АСТАНА, 7 маусым – Sputnik. Парламент мәжілісінің экс-депутаты Нұржан Әлтаев пара алғаны үшін ұсталды, деп хабарлайды Sputnik Қазақстан сыбайлас жемқорлыққа қарсы қызметке сілтеме жасап.
"Ол кісінің ірі көлемде пара алды деген күдікпен ұсталғанын растаймыз. Өзге ақпарат Қылмыстық-процессуалдық кодекстің 201-бабы бойынша және тергеу мүддесіне сәйкес жариялауға жатпайды", - дейді агенттік мамандары.
Әлжановтың басынан өткен оқиғалар
Айта кетері, Нұржан Әлтаев екі министрлікте вице-министр болған. "Атамекен" кәсіпкерлер палатасында жұмыс істеді. 2019 жылы "Нұр Отан" (қазіргі Amanat) партиясының тізімі бойынша мәжіліске депутат болып сайланды. Бірақ бір жылдан жаңа партияның құрамын деп шықты. Сол үшін "Нұр Отан" қатарынан шығарылды.
Сол кезде Әлтаев байлаулы қолымды шешті, қуаныштымын деп жар салды. Экс-депутат өзін "El Tiregi" партиясын ұйымдастыру комитетінің төрағасы ретінде жариялады. Бірақ партия әлі күнге дейін ресми түрде тіркелмеді. Әлтаев өз жақтастарымен бірге бірнеше рет митингке шықты.
Өткен президент сайлауына қатысуға өтініш те берді. Алайда Орталық сайлау комиссиясы оның кандидатурасын тіркеуден бас тартты.
Биыл сәуір айында Нұржан Әлтаев бейбіт жиындарды ұйымдастыру ережелерін бұзғаны үшін 15 тәулікке қамауға алынған.