АЛМАТЫ, 15 қазан – Sputnik. Қазгидромет мамандары 16-18 қазанға ауа райы болжамын жариялады.
Оған сәйкес, алдағы демалыста бүкіл республика бойынша құрғақ, жылы ауа райы қалыптасады. Тек елдің батыс бөлігінде жаңбыр жауады.
Қазақстанның батысы мен оңтүстігінде демалыс күндері жел күшейіп, шаңды дауыл болады.
Ауа температурасы күндіз республиканың батысында, солтүстік-батысында +12...+22°C жылы, республиканың солтүстігінде, шығысында және орталығында +13...+20°C жылы, елдің оңтүстігінде, оңтүстік-шығысында +13...+23°C жылы болады.
Мегаполистегі ауа райы
Алматыда 16-18 қазан аралығында күн ашық болады. Ауа температурасы түнде +5...+8°C, күндіз +14...+15°C көрсетеді.
Ал елордада күн ашық, ауа температурасы түнде -1°C, күндіз +10...+12°C болады. Тек 17 қазанда күн бұлтты болуы мүмкін.
Шымкентте үш күн қатарынан күн ашық болып, ауа температурасы түнде +5...+6°C, күндіз +20...+22°C көрсетеді.
Оқи отырыңыз:
- Боран, көктайғақ және тұман: қазан айында ауа райы қандай болады
- Қарқаралыны қар басты – фото
- Нұр-Сұлтан полициясы жүргізушілерге үндеу жасады
