НҰР-СҰЛТАН, 2 қазан – Sputnik. Қарағанды облысының Қарқаралы қаласында қар жауды. Жергілікті тұрғындар түнде түскен қардың суреттерін бөлісіп жатыр.
Күні кеше "Қазгидромет" дабылды ескерту жариялаған еді. Синоптиктер қарағандылықтарға ауа райы күрт құбылып, температура төмендейтінін ескертті.
![Қарқаралыны қар басты – фото Қарқаралыны қар басты – фото - Sputnik Қазақстан, 1920, 02.10.2021](https://sputnik.kz/img/07e5/0a/02/18298450_0:0:1080:752_1920x0_80_0_0_7f9c49cac0f7eaf596c0252110768916.jpg)
"2 қазанда Қарағанды облысының солтүстігінде, шығысында тұман түсіп, көктайғақ болады", - делінген хабарламада.
Алайда таңертең ұйқысынан оянған жұрт айнала ақ көрпеге оранғанын көрген. Кейбір мәліметке сүйенсек, қалада бір түнде үштен бес сантиметрге дейін қар түсіпті.
![Қарқаралыны қар басты – фото Қарқаралыны қар басты – фото - Sputnik Қазақстан, 1920, 02.10.2021](https://sputnik.kz/img/07e5/0a/02/18298412_0:0:968:1280_1920x0_80_0_0_d2a570640c72f701ca34e2d53a81a195.jpg)
Жергілікті тұрғындар қар басқан даланы суретке түсіріп, желіде бөлісіп жатыр.
Бірақ, синоптиктердің болжамынша, қысқы ертегі ұзаққа созылмайды. Қазір қалада күн бұлтты, оқта-текте жаңбыр жауады деп күтілуде, ауа температурасы плюс екі градусқа дейін көтерілді.