НҰР-СҰЛТАН, 11 қазан – Sputnik. Бір тәулікте елордада 70-ке жуық жол апаты тіркелген, қала полициясы жүргізушілерге жол ережесін сақтауға кеңес берді.
Елордалық полиция департаментінің ақпаратынша, бір тәулікте қалада 68 жол-көлік оқиғасы тіркелген. Салдарынан бір адам ауруханаға жатқызылды.
Жол сақшылары бүгін, 11 қазан ауа райы нашарлайтынын, қар аралас жаңбыр жауып, көктайғақ болатынын ескертті.
"Осыған байланысты Нұр-Сұлтан қаласының полиция департаменті жүргізушілерге өз бағдарын алдын ала жоспарлауға, жолда мұқият болуға және жылдамдық режимін, қауіпсіз ара қашықтықты сақтауға кеңес береді"- делінген хабарламада.
Сондай-ақ жол сақшылары жаяу жүргіншілерді де барынша абай болуға шақырды.
Оқи отырыңыз:
