НҰР-СҰЛТАН, 24 қыркүйек – Sputnik. Қарыздар бойынша сыйақы мөлшері туралы ақпаратты жариялаған кезде сыйақы мөлшерлемесін дәйекті, жылдық, тиімді, салыстырмалы түрде есептеп көрсетпегені үшін екі банкке әкімшілік жаза қолданылды. Бұл туралы қаржы нарығын реттеу және дамыту агенттігінің баспасөз қызметі хабарлады.
Атап айтқанда, 2021 жылдың шілдесінде "Қазақстан Халық Банкі" АҚ-ға 145 850 теңге айыппұл салынды. Сонымен қатар 2021 жылдың тамызында агенттік "Сбербанк" АҚ-ға дәл осындай көлемде әкімшілік айыппұл салды.
2021 жылдың тамызында "Шинхан Финанс" микроқаржы ұйымы" ЖШС-ның Микрокредит беру туралы үлгілік шарты Қазақстан заңнамасының талаптарына сәйкес келмегені үшін жазбаша ұйғарым жіберілді.
Шілде және тамызда бағалы қағаздар нарығы субъектілеріне, сақтандыру нарығы субъектілеріне қатысты құқық бұзушылықтар, сондай-ақ заңсыз іс-әрекеттер және алаяқтық фактілер анықталған жоқ.
Оқи отырыңыз:
- Банктер қазақстандықтар шотындағы ақшаны негізсіз алды – Бас прокуратура
- Кредит алғандар нені білуі керек
- Банк картаны бұғаттап тастаса, не істеу керек
