АСТАНА, 4 қазан – Sputnik. Шымкент әкімінің бұрынғы орынбасары Руслан Берденов жаңа қызметке келді.
Ол "Алматы қаласын дамыту орталығы" АҚ басшысы болып тағайындалды.
Бұл ақпаратты Алматы қаласы әкімдігі растады.
Орталық – қала әкімдігіне қарасты ұйым. Оның негізгі міндеті – Алматыны өмір сүруге қолайлы әлемдік мегаполистердің біріне айналдыруға үлес қосу.
Айта кетері, тамызда Берденов Шымкент қаласы әкімінің орынбасары лауазымынан кеткен болатын.
Берденов туралы не білеміз?
Руслан Берденов 1985 жылдың 6 наурызында Шымкент қаласында дүниеге келген. Әл-Фараби атындағы Қазақ ұлттық университетін және КИМЭП университетінде "Іскерлік басқару мен қаржылық менеджмент" мамандығы бойынша магистратураны тәмамдаған.
Еңбек жолын 2007 жылы "Procter & Gamble LLP" компаниясында бастаған.
2010-2012 жылдары - "EASTCOMTRANS" ЖШС-нің жылжымалы құрамды жалға беру департаментінің директоры;
2012-2018 жылдары "Ақ ниет" ЖШС-нің бас директоры, 2018-2019 жылдары "Ақ ниет" ЖШС-нің бақылау кеңесінің мүшесі;
2019-2023 жылдары "Aq Niet Group" бақылау кеңесі төрағасының орынбасары;
2023-2025 жылдары Парламенті Мәжілісінің VIII шақырылым депутаты, қаржы және бюджет комитетінің мүшесі;
2025 жылдың ақпанынан тамызына дейін Шымкент қаласы әкімінің орынбасары болды.
Еске сала кетейік, 22 сәуірде Шымкент қаласы әкімінің орынбасары Руслан Берденовті атып кетті.
Еске сала кетейік, 22 сәуірде Шымкент қаласы әкімінің орынбасары Руслан Берденовті атып кетті.
20 тамызда оны атқан Ернар Жиембай 9 жылға бас бостандығынан айырылды.