АСТАНА, 20 ақпан — Sputnik. Мұғалімдердің жалақысы орташа еңбекақыдан екі еседей төмен, дейді мәжіліс депутаты Наталья Жұмаділдаева.
Депутат төмен жалақы бұл салаға дарынды жастарды тартуға мүмкіндік бермей отырғанын алға тартты.
"Алтын белгі" иегерлерінің тек 5-7 пайызы ғана педагогикалық мамандықтарды таңдаған. Бұдан бөлек, педагогикалық мамандықтарға грантқа түсу үшін ұлттық бірыңғай тестілеу балының төмен болуы бұл кәсіпке қызығушылығы жоқ жастардың келуіне себеп болып отыр. Десек те, көптеген түлек диплом алғаннан кейін мамандығы бойынша жұмыс істемейді", — деді депутат.
"Бүгінгі күні Қазақстанда педагогтың қоғамдағы мәртебесі туралы анық мәлімет жоқ. Халықаралық деңгейде мұғалімнің мәртебесін бағалауға мүмкіндік беретін әдіс-амалдар бар. Сондай-ақ бізде кадрлардың тұрақсыздығына қатысты статистика ұттық деңгейде жүргізілмейді. Мұндай мәліметтердің жоқтығы мұғалімдердің кәсіптен кетуінің себебі мен оның ауқымын толыққанды анықтауға мүмкіндік бермей отыр", — деп қынжылды депутат.