https://sputnik.kz/20250604/bugin--memlekettik-ramizder-kuni-54245570.html
Бүгін – Мемлекеттік рәміздер күні
Бүгін – Мемлекеттік рәміздер күні
Sputnik Қазақстан
Бүгінде Қазақстанның ең үлкен туы Астана қаласында орнатылған 04.06.2025, Sputnik Қазақстан
2025-06-04T08:00+0500
2025-06-04T08:00+0500
2025-06-04T08:00+0500
мемлекеттік рәміздер
мейрам
https://sputnik.kz/img/919/28/9192855_0:0:3073:1728_1920x0_80_0_0_b0ba42b20d8f359076eb2d58e3a75f4b.jpg
АСТАНА, 4 маусым – Sputnik. Биыл Тәуелсіз Қазақстанның мемлекеттік рәміздерінің қабылданғанына 33 жыл толып отыр. 1992 жылы 4 маусымда еліміздің туы, елтаңбасы мен әнұраны ресми түрде бекітілген болатын.Конкурсқа 600 адам қатысты1992 жылы алдымен мемлекеттік символиканы дайындау бойынша жұмыс тобы құрылды. Арнайы шығармашылық комиссия да жасақталды. Осыдан кейін елтаңба, ту, әнұран жобасын жасауға конкурс жарияланған болатын.Конкурсқа 600-ден астам адам қатысты. Әрбіреуі рәміздердің бірнеше үлгісін ұсынды. Мәселен, мемлекеттік ту эскизі бойынша 1200 өтінім түскен. Соның ішінен суретші Шәкен Ниязбековтың нұсқасы бекітілді.Бүгінде Қазақстанның ең үлкен туы Астана қаласында орнатылған. Оны қаланың кез келген жерінен көруге болады. Тудың ауданы – 450 шаршы метр. Биіктігі – 15 метр, ені 30 метр, ал салмағы – 70 келі. Оны мемлекеттік стандарт бойынша тігеді.Еліміздегі ең үлкен әрі салмағы ауыр көк байрағымызға арнайы маман қарайды. Ол Sputnik Қазақстанға туды ауыстыру, тігу, сақтау және тасымалдау жұмыстары қалай атқарылатынын айтып берген.Елтаңба өзгере ме?Тудың конкурсына 1200 эскиз түссе, елтаңба байқауына 245 сурет жобасы мен 67 кескіндемесі жіберілген болатын. Комиссия сәулетші Жандарбек Мәлібеков пен Шота Уәлихановтың еңбегін үздік деп таныды. Ол кезде Жандарбек Мәлібеков 50 жаста еді. Өзбекстандағы Самарқандтың бас сәулетшісі болып жұмыс істеді."Отанымда осындай тарихи оқиғалар болып жатқан кезде шетте қала алмадым. Сол себепті конкурсқа қатыстым. Конкурсқа 300-ге жуық эскиз түскенін де білдім. Талқылау кезеңінде елтаңбаға күн, ай, жұлдызды қосуды ұсындым. Кей депутат айды ислам фундаментализмінің, ал жұлдызды – кеңестік кезеңнің символы деп санады", - деп еске алады Мәлібеков.Былтыр президент Елтаңбаны өзгертуге болады деген сөзінен кейін сарапшылар тағы бес жұлдызды сынға алды. Депутаттар да өз ұсыныстарын жариялады.2018 жылы елтаңбада "Қазақстан" жазуы латын графикасымен QAZAQSTAN деп жазылатын болды.Әнұран қалай өзгердіРәміздер конкурсында әнұранның 750 нұсқасы қаралған болатын. Байқау қорытындысы бойынша Қазақ КСР гимнінің музыкалық редакциясын сақтауға шешім қабылданды. Осылайша, Мұқан Төлебаев, Евгений Брусиловский және Латиф Хамидидің музыкасы қалды. Ал үздік мәтінге жарияланған байқауда белгілі ақындар Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты.2006 жылы 6 қаңтарда Жұмекен Нәжмеденовтің "Менің Қазақстаным" өлеңіне жазылған Шәмші Қалдаяқовтың әні Қазақстанның Мемлекеттік Әнұраны болып бекітілді. Ал 2007 жылы "Мемлекеттік рәміздер туралы" конституциялық заң қабылданды. Осы заңға сәйкес, жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.
https://sputnik.kz/20241025/qasym-zhomart-toqaev-memlekettik-tu-koteru-rasimine-qatysty-48075983.html
Sputnik Қазақстан
media@sputniknews.com
+74956456601
MIA „Rossiya Segodnya“
2025
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
мемлекеттік рәміздер, мейрам
мемлекеттік рәміздер, мейрам
Бүгін – Мемлекеттік рәміздер күні
Бүгінде Қазақстанның ең үлкен туы Астана қаласында орнатылған
АСТАНА, 4 маусым – Sputnik. Биыл Тәуелсіз Қазақстанның мемлекеттік рәміздерінің қабылданғанына 33 жыл толып отыр. 1992 жылы 4 маусымда еліміздің туы, елтаңбасы мен әнұраны ресми түрде бекітілген болатын.
Конкурсқа 600 адам қатысты
1992 жылы алдымен мемлекеттік символиканы дайындау бойынша жұмыс тобы құрылды. Арнайы шығармашылық комиссия да жасақталды. Осыдан кейін елтаңба, ту, әнұран жобасын жасауға конкурс жарияланған болатын.
Конкурсқа 600-ден астам адам қатысты. Әрбіреуі рәміздердің бірнеше үлгісін ұсынды. Мәселен, мемлекеттік ту эскизі бойынша 1200 өтінім түскен. Соның ішінен суретші Шәкен Ниязбековтың нұсқасы бекітілді.
Бүгінде Қазақстанның ең үлкен туы Астана қаласында орнатылған. Оны қаланың кез келген жерінен көруге болады. Тудың ауданы – 450 шаршы метр. Биіктігі – 15 метр, ені 30 метр, ал салмағы – 70 келі. Оны мемлекеттік стандарт бойынша тігеді.
Еліміздегі ең үлкен әрі салмағы ауыр көк байрағымызға арнайы маман қарайды. Ол Sputnik Қазақстанға туды ауыстыру, тігу, сақтау және тасымалдау жұмыстары қалай атқарылатынын
айтып берген.
Тудың конкурсына 1200 эскиз түссе, елтаңба байқауына 245 сурет жобасы мен 67 кескіндемесі жіберілген болатын. Комиссия сәулетші Жандарбек Мәлібеков пен Шота Уәлихановтың еңбегін үздік деп таныды. Ол кезде Жандарбек Мәлібеков 50 жаста еді. Өзбекстандағы Самарқандтың бас сәулетшісі болып жұмыс істеді.
"Отанымда осындай тарихи оқиғалар болып жатқан кезде шетте қала алмадым. Сол себепті конкурсқа қатыстым. Конкурсқа 300-ге жуық эскиз түскенін де білдім. Талқылау кезеңінде елтаңбаға күн, ай, жұлдызды қосуды ұсындым. Кей депутат айды ислам фундаментализмінің, ал жұлдызды – кеңестік кезеңнің символы деп санады", - деп еске алады Мәлібеков.
Былтыр президент Елтаңбаны
өзгертуге болады деген сөзінен кейін сарапшылар тағы бес жұлдызды
сынға алды. Депутаттар да өз ұсыныстарын
жариялады.
2018 жылы елтаңбада "Қазақстан" жазуы латын графикасымен QAZAQSTAN деп жазылатын болды.
Рәміздер конкурсында әнұранның 750 нұсқасы қаралған болатын. Байқау қорытындысы бойынша Қазақ КСР гимнінің музыкалық редакциясын сақтауға шешім қабылданды. Осылайша, Мұқан Төлебаев, Евгений Брусиловский және Латиф Хамидидің музыкасы қалды. Ал үздік мәтінге жарияланған байқауда белгілі ақындар Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты.
2006 жылы 6 қаңтарда Жұмекен Нәжмеденовтің "Менің Қазақстаным" өлеңіне жазылған Шәмші Қалдаяқовтың әні Қазақстанның Мемлекеттік Әнұраны болып бекітілді. Ал 2007 жылы "Мемлекеттік рәміздер туралы" конституциялық заң қабылданды. Осы заңға сәйкес, жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.
