Ресейліктер - Sputnik Қазақстан, 1920, 28.02.2022
Ресейдің Украинадағы арнайы әскери операциясы

"Жақсы жаңалық болады деп ойлаймын": Трамп Ыстанбұлға Украина бойынша келіссөзге бармайды

© Sputnik / Стрингер / Медиабанкке өтуВыступление президента США Дональда Трампа на заседании конгресса
Выступление президента США Дональда Трампа на заседании конгресса - Sputnik Қазақстан, 1920, 15.05.2025
Жазылу
Бұл ақпарат Владимир Путин Украинамен келіссөз жүргізетін делегация құрамын бекіткеннен кейін белгілі болды
АСТАНА, 15 мамыр – Sputnik. АҚШ президенті Дональд Трамп Ыстанбұлға Украина бойынша келіссөзге бармайды, деп хабарлады CNN Ақ үйдің өкілдеріне сілтеме жасап.
Батыстық БАҚ-тың хабарлауынша, бұл ақпарат президент Владимир Путин Украинамен келіссөз жүргізетін делегация құрамын бекіткеннен кейін белгілі болды.
Америка басшысы Украина қақтығысын реттеуге қатысты оңды жауап алудан үмітті екенін айтты.
"Мен бүгін өте жақсы жаңалық аламыз деп ойлаймын. Ертең немесе жұмада естуіміз де мүмкін", - деді АҚШ президенті.
Дональд Трамп бір күн бұрын Қатарға сапармен барды. Ол Әмір Тамим бин Хамад Әл Танимен кездесуде Доханың Украина қақтығысын реттеу үшін Ресей мен Украина арасындағы делдалдықтағы "белсенді рөлін" атап өтті.
Сонымен қатар 13 мамырда Ақ үйде АҚШ мемлекеттік хатшысы Марко Рубио, АҚШ президентінің арнайы өкілі Стивен Уиткофф және Украина бойынша арнайы елші Кит Келлогг Ытанбұлға баратынын хабарлады.
Еске сала кетейік, бүгін Ытанбұлда Ресей мен Украинаның тікелей келіссөзі болуы керек. Путин Украина президентіне келіссөз жүргізу туралы ұсыныс жасаған болатын.
Көп ұзамай Зеленский бұл ұсынысты қабыл алатынын және Ресей президентін Ыстанбұлда күтетінін мәлімдеді.
Ал Түркия президенті Ердоған екі мемлекеттің бейбіт келісімі үшін барлық жағдайды жасауға дайын екенін айтты.
Жаңалықтар
0