https://sputnik.kz/20230711/qyzylordada-kene-shaqqan-tagy-bir-adam-qaytys-boldy-36716579.html
Қызылордада кене шаққан тағы бір адам қайтыс болды
Қызылордада кене шаққан тағы бір адам қайтыс болды
Sputnik Қазақстан
ҚЫЗЫЛОРДА, 11 шілде - Sputnik. Қызылорда облысында конго-қырым қанды безгегіне қолайсыз 106 елді мекен анықталды. Бұл туралы өңірлік коммуникациялар қызметінің... 11.07.2023, Sputnik Қазақстан
2023-07-11T13:24+0500
2023-07-11T13:24+0500
2023-07-11T13:24+0500
қызылорда облысы
кене
https://sputnik.kz/img/570/05/5700598_0:128:2437:1498_1920x0_80_0_0_9cfd6d50e5a4ff7ea7de248ecc69ef41.jpg
ҚЫЗЫЛОРДА, 11 шілде - Sputnik. Қызылорда облысында конго-қырым қанды безгегіне қолайсыз 106 елді мекен анықталды. Бұл туралы өңірлік коммуникациялар қызметінің брифингінде айтылды.Өңірде кенеге қарсы залалсыздандыру жұмыстары үздіксіз жүргізіліп жатыр. Жауапты сала мамандары тұрғындарды барынша сақ болуды айтып, дабыл қағып жатыр.Қызылорда облыстық денсаулық сақтау басқармасының мәліметінше, өңірде конго-қырым қанды безгегін жұқтыруы мүмкін деген күдікпен 29 науқас тіркелді. Оның ішінде 10 жағдай нақтыланып, 3 адам қайтыс болған."Адамның ауруды жұқтыруы кене шаққан жағдайларда және қанында вирусы бар жануарларды сою кезінде, сондай-ақ науқас адамға күтім жасау кезінде немесе мәйіттің қанымен, ластанған медициналық құралдар арқылы да жұғуы мүмкін. Сондықтан облыс тұрғындарын барынша сақтануға шақырамыз", – деді облыстық денсаулық сақтау басқармасы басшысының орынбасары Жангелді Шайымбетов.Мамандардың айтуынша, жыл сайын облыстық бюджеттен тиісті қаражат бөлініп келеді."Биыл да кенеге қарсы күрес шаралары жоспарға сәйкес орындалып жатыр. Қазіргі таңда қолайсыз елді мекендердегі тұрғын үй аумақтары мен мал қораларына кенеге қарсы ерітінді қолданылып жатыр. Облыс бойынша көктемгі залалсыздандыру жұмыстарының орташа тиімділік көрсеткіші 97,2 пайызды құрады", - деді Қызылорда облысы әкімі аппаратының "Жұмылдыру және шұғыл жұмыстар орталығы" директорының міндетін атқарушы Бауыржан Садықов.Қызылорда – конго-қырым қанды безгегінің табиғи ошағы. Сол себепті қала және барлық ауданда кенеге қарсы көктемгі жұмыстар 2 кезеңмен жүргізіледі.Конго-қырым қанды безгегі – өте қауіпті аурулардың бірі. Бұл аурудың ең алғашқы белгілері: адамның басы айналады, жүрегі айнып, дене температурасы көтеріледі, әлсіздік пайда болады, іші ауырады. Егер адам өзінен осындай белгілерді байқаса міндетті түрде медициналық көмекке жүгінуі керек.Сондай-ақ, жаз мезгілінде табиғат аясына шыққанда және далалық жерлерде кенеден сақтанып, үй аумағында тазалық жұмыстарын жиі жүргізіп тұрған абзал."Биыл залалсыздандыру жұмыстарына жұмсалатын препараттар көлемін жоспарға сәйкес алдыртып, кезең-кезеңімен аудандарға жөнелтіп жатырмыз. Жалпы қолайсыз елді мекендерде 556 мың бас мал бар. Оның 117 мыңына арнайы препараттар егіліп, қауіпті ауруға қарсы залалсыздандыру жұмыстары жүргізілді. Бүгінде ауру ошақтары анықталған елді мекендер қатаң бақылауда", – деді Қызылорда облыстық ветеринария басқармасы басшысының орынбасары Әнуарбек Дәрмағамбетов.Бұған дейін Қызылорда облысында кене шаққан екі адамның қайтыс болғаны хабарланған болатын.
https://sputnik.kz/20230710/uaqytyly-emdelmegen-turkistan-oblysynda-kongo-qyrym-bezgeginen-zhasospirim-qaytys-boldy-36692293.html
қызылорда облысы
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қызылорда облысы, кене
ҚЫЗЫЛОРДА, 11 шілде - Sputnik. Қызылорда облысында конго-қырым қанды безгегіне қолайсыз 106 елді мекен анықталды. Бұл туралы өңірлік коммуникациялар қызметінің брифингінде айтылды.
Өңірде кенеге қарсы залалсыздандыру жұмыстары үздіксіз жүргізіліп жатыр. Жауапты сала мамандары тұрғындарды барынша сақ болуды айтып, дабыл қағып жатыр.
Қызылорда облыстық денсаулық сақтау басқармасының мәліметінше, өңірде конго-қырым қанды безгегін жұқтыруы мүмкін деген күдікпен 29 науқас тіркелді. Оның ішінде 10 жағдай нақтыланып, 3 адам қайтыс болған.
"Адамның ауруды жұқтыруы кене шаққан жағдайларда және қанында вирусы бар жануарларды сою кезінде, сондай-ақ науқас адамға күтім жасау кезінде немесе мәйіттің қанымен, ластанған медициналық құралдар арқылы да жұғуы мүмкін. Сондықтан облыс тұрғындарын барынша сақтануға шақырамыз", – деді облыстық денсаулық сақтау басқармасы басшысының орынбасары Жангелді Шайымбетов.
Мамандардың айтуынша, жыл сайын облыстық бюджеттен тиісті қаражат бөлініп келеді.
"Биыл да кенеге қарсы күрес шаралары жоспарға сәйкес орындалып жатыр. Қазіргі таңда қолайсыз елді мекендердегі тұрғын үй аумақтары мен мал қораларына кенеге қарсы ерітінді қолданылып жатыр. Облыс бойынша көктемгі залалсыздандыру жұмыстарының орташа тиімділік көрсеткіші 97,2 пайызды құрады", - деді Қызылорда облысы әкімі аппаратының "Жұмылдыру және шұғыл жұмыстар орталығы" директорының міндетін атқарушы Бауыржан Садықов.
Қызылорда – конго-қырым қанды безгегінің табиғи ошағы. Сол себепті қала және барлық ауданда кенеге қарсы көктемгі жұмыстар 2 кезеңмен жүргізіледі.
Конго-қырым қанды безгегі – өте қауіпті аурулардың бірі. Бұл аурудың ең алғашқы белгілері: адамның басы айналады, жүрегі айнып, дене температурасы көтеріледі, әлсіздік пайда болады, іші ауырады. Егер адам өзінен осындай белгілерді байқаса міндетті түрде медициналық көмекке жүгінуі керек.
Сондай-ақ, жаз мезгілінде табиғат аясына шыққанда және далалық жерлерде кенеден сақтанып, үй аумағында тазалық жұмыстарын жиі жүргізіп тұрған абзал.
"Биыл залалсыздандыру жұмыстарына жұмсалатын препараттар көлемін жоспарға сәйкес алдыртып, кезең-кезеңімен аудандарға жөнелтіп жатырмыз. Жалпы қолайсыз елді мекендерде 556 мың бас мал бар. Оның 117 мыңына арнайы препараттар егіліп, қауіпті ауруға қарсы залалсыздандыру жұмыстары жүргізілді. Бүгінде ауру ошақтары анықталған елді мекендер қатаң бақылауда", – деді Қызылорда облыстық ветеринария басқармасы басшысының орынбасары Әнуарбек Дәрмағамбетов.
Бұған дейін Қызылорда облысында кене шаққан
екі адамның қайтыс болғаны хабарланған болатын.
