НҰР-СҰЛТАН, 26 қараша – Sputnik. Павлодарда полиция қызметкерлері қала емханаларының бірінің медбикесі коронавирус инфекциясына қарсы вакциналау паспорттарын сатқанын анықтады, деп жазды Pavlodarnews.kz.
Павлодар облысы полиция департаментінің баспасөз қызметі медбике сол үшін азаматтардан жалпы сомасы 160 мың теңге ақша алғанын хабарлады.
"Аталған факті бойынша Қазақстан Қылмыстық кодексінің 247 – бабы бойынша сотқа дейінгі тергеу басталды",- деп хабарлады полиция департаментінің баспасөз қызметі.
Еске сала кетейік, 2021 жылдың шілде айында жедел іздестіру іс-шаралары барысында Павлодар облысының құқық қорғау органдары төлқұжаттарды қолдан жасады деген күдікпен Павлодар емханаларының бірінің медицина қызметкерлерін ұстады.
Оқи отырыңыз:
- Маңғыстауда дәрігерлер 150-ден астам вакцина паспортын сатқан
- Алматыда емхана басшысы ұсталды
- Түркістан облысында медицина қызметкерлері вакцина паспортын қолдан жасап келген
