АЛМАТЫ, 5 қазан – Sputnik. 6 қазанда Қазақстанның басым бөлігінде ауа райы тұрақсыз болып, жауын-шашын жауады, деп хабарлады Қазгидромет.
Синоптиктер болжамына сәйкес, елдің шығысында және оңтүстік-шығыстың таулы аудандарында қатты жауын-шашын жауады. Жел күшейіп, түнде және таңертең тұман түсіп, көктайғақ болады.
Республиканың солтүстігінде және шығысында бұрқасын болуы мүмкін. Тек елдің батысында және оңтүстік-батысында жауын-шашын жаумайды.
-11°C болады: алдағы үш күнге арналған ауа райы болжамы
Сондай-ақ Шығыс Қазақстан облысының батысында, солтүстігінде және орталығында тұман, көктайғақ, жаяу бұрқасын болады. Күндіз жел 15-20 м/с дейін күшейеді. Ақмола облысының шығысында түнде және таңертең тұман, көктайғақ, бұрқасын болады, түнде облыстың батысында, солтүстігінде жел күшейеді.
Түркістан облысының батысында және таулы аудандарында, Қызылорда облысының солтүстігінде және орталығында 15-20 м/с, екпіні 23 м/с желдің күшеюі байқалады. Қызылорда облысында шаңды дауыл болады.
Қарағанды облысының солтүстігінде, шығысында тұман, көктайғақ болып, жел 18 м/с дейін күшейеді.
Атырау облысының оңтүстігінде түнде, Батыс Қазақстан облысының оңтүстік-батысында күндіз 15-20 м/с дейін жел күшейеді.
Нұр-Сұлтанда ауа райы бұзылды: бір күнде 90 жол апаты болды
Қостанай, Солтүстік Қазақстан облысының солтүстік-батысында түнде және таңертең тұман түседі.
Алматы облысының таулы аудандарында түнде және таңертең тұман түсіп, түнде облыстың шығысында 15-20 м/с дейін жел күшейеді. Жамбыл облысының таулы және тау бөктері аудандарында тұман, көктайғақ болады, батысында және таулы аудандарда 15-20 м/с дейін жел күшейеді.
Түнде Маңғыстау облысының солтүстік-батысында, күндіз басым бөлігінде жел 15-20 м/с дейін күшейеді, күндіз солтүстік-шығысында шаңды дауыл болуы мүмкін.
