НҰР-СҰЛТАН, 30 қыркүйек – Sputnik. Нұр-Сұлтан қаласында ауа райының бұзылуына байланысты жол апаты күрт өсті.
Өткен тәулікте елордада 91 жол апаты тіркелді, деп хабарлады полиция департаментінің баспасөз қызметі.
Полиция көлік жүргізушілерін қозғалыс кезінде барынша мұқият әрі сақ болуға, жылдамдықты асырмай, қауіпсіз арақашықтықты сақтауға шақырды.
Полицияның мәліметінше, дымқыл асфальт көлік жүргізушілері үшін қауіпті саналады. Сонымен қатар түнгі қырау басталды. Мұның бәрі автокөлікті тежеу уақытының ұлғаюына әсер етеді, сондықтан кенеттен жолдан ауытқу мен тежегішті басудан аулақ болу керек.
Жаңбыр кезінде, ауа райы қолайсыз кезде жаяу жүргіншілер келе жатқан көліктерді көрмейді, сондықтан абай болған жөн.
Полиция департаменті жаяу жүргіншілер жолының алдында қозғалыс жылдамдығын барынша азайтуды және өте мұқият болуды сұрайды.
Оқи отырыңыз:
- Нұр-Сұлтанда жантүршігерлік жол апаты болды: бес адам көз жұмды
- Сау-тамтығы қалмаған: Жамбыл облысында болған жол апатының видеосы жарияланды
- Ақтөбе облысында жол апатынан бір отбасы мүшелері көз жұмды
