"Бұл жағдай қайталанбауы үшін біздің барда шара қабылданғанын бірден айтып өтейін. Аталған іс-шараны өткізуге қатысы бар адамдардың барлығы жұмыстан шығарылды. Айжан Байзақовамен тәрбиелік сипатта әңгіме жүргізілді", — деді атқарушы директор.
Бар өкілі мұндай оқиға енді қайталанбайтынын айтып, қаладағы барлық көңіл көтеру орнына өздерінің қателігін қайталамауды ескертті.
Аталған клубта 17 желтоқсан күні Айжан Байзақова қыздар арасында шешінуден конкурс өткізген болатын. Кеше Алматы ішкі істер департаментінің баспасөз қызметі Instagram жұлдызы ұсақ бұзақылық жасағаны үшін үш күнге қамауға алынғанын хабарлады.
Сайыс шарты бойынша тыр жалаңаш шешінген қызға 50 мың теңге сыйақы беретін болған. Әлеуметтік желіде пайда болған видеода жалаңаш қыз бір қырынан көрінеді, ал жүргізуші конкурс шартын түсіндіріп, өзгелерді қатысуға шақырып жатыр.
