Экономика

"Нұрлы жер": пәтер немесе ойын-сауық кештері

© Sputnik / Алексей Филиппов / Медиабанкке өтуҮй құрылыс
Үй құрылыс - Sputnik Қазақстан
Жазылу
НовостиTelegram
"Нұрлы жер" бағдарламасы аясында осы жылдың жеті айының қорытындысы бойынша қаржыландырудың барлық түрінің есебінен 6,2 миллион шаршы метр жаңа тұрғын үйлер пайдалануға берілді

АСТАНА, 17 тамыз – Sputnik, Дмитрий Покидаев. "Қазақстанның Тұрғын үй құрылыс жинақ банкі" басқарма басшысы Ләззат Ибрагимова 140 мың теңге болатын еңбек ақысы оның қарамағындағы ведомство жүйесіндегі тұрғын үй жинақтарына жеткілікті деп есептейді. 

Ләззат Ибрагимованың есептеуі бойынша, орта статистикалық есепте 140-150 мың теңге болатын еңбек ақысы бар қазақстандық азаматтардың "тұрғын үй" депозитіне ай сайын 40 мың теңгеден төлем жасауға мүмкіндігі бар. 12 ай көлемінде жинақталған 480 мың теңгеге 

Жыл аяғын 96  мың теңгені құрайтын мемлекеттік сыйақы қосылады, оған қоса, екі пайызды ТҚЖБ қосады. Қорытындысында, бір жыл ішінде депозитте 600 мың жиналады, ал үш жыл ішінде бұл сома пәтердің алғашқы жарнасын төлеуге мүмкіндік беретін 1,8 миллион теңгені құрайды.  

"Әрине, ол адам (140 мың теңге еңбек ақысы бар ТҚЖБ клиенті) барлық нәрседен – кафе, ресторан, көңілді отырыстардан үнемдеуі керек. Бұл жерде пәтер алу немесе көңілді кештерге бару жөніндегі таңдау тұрады", — дейді Ләззат Ибрагимова. Бұл ретте, шындығында, осындай 140 мың теңге еңбек ақысы бар адамның алғашқы жарнаны жинақтауға қажеті үш жыл ішінде қандай жерде тұратыны жайындағы мәселе ашық күйінде қалды. Себебі, Астана қаласында осы секілді тұрғын үй бағдарламасы қатысушыларының жалдамалы пәтер ақысын бергеннен кейін, ТҚЖБ қырық мыңдық жарнасын төлеуге е мүмкіндігі қалмайды. Сондықтан да, мұндай еңбек ақысы бар адамдар үшін "ешқандай кафе, ресторан, көңілді кештер" деген пікір тіпті қатысты болмайды: себебі, олардың көңілді кештерге баратын ақшасы да қалмайды.       

Жалға берілетін баспана баршаға арналмаған 

"Нұрлы жер" мемлекеттік бағдарламасы бұл мәселенің өзектілігін шешу үшін бағытталған. Оның негізінде республика көлемінде муниципалды тұрғын үй құрылысына Қазақстанның инвестиция және даму жөніндегі вице-министрі Роман Склярдың мәліметтері бойынша, аймақтағы әкімшіліктерге 25 миллиард теңге бөлініп, 6 мың арендалық пәтердің құрылысы басталды. Алайда, айта кетер жайт, бұл тұрғын үйлер халықтың  әлеуметтік жағдайы төмен бөлігіне арналған, ал олардың қатарына айына 140 мың теңге еңбек ақы алатын қазақстандықтар кірмейді.

Жер - Sputnik Қазақстан
Өңірлер
"Нұрлы жер": жеке тұрғын үй салу үшін қанша жер учаскесі дайын?
"Бұл пәтерлердің жартысы жылдың аяғына дейін қолданысқа беріледі. Тұрғын үй сатып алуға мүмкіндігі жоқ, әлеуметтік жағдайы төмен тұрғындар осындай арендалық тұрғын үймен қамтамасыз етіледі. Оларға мемлекет тарапынан арендалық пәтерлер беріледі, бұл сатып алу құқығы жоқ, тегін тұрғын үйлер. Әлеуметтік тұрғын үйдің жалдау құны 1 шаршы метрге шамамен 100 теңгені құрайды", — деп хабарлайды Роман Скляр. Бұл ретте көлемі 50 шаршы метрді құрайтын екі бөлмелі пәтердің жалдамалы құны, оны жалдап тұратын азаматтар үшін айына бес мың теңгені құрайды. Бұл пәтерлерге сатып алу құқығы берілмейді. Ал, 140-мыңдық еңбек ақысы бар азаматтар алдағы уақытта "Тұрғын үй құрылыс жинақ банкі" үлескерлік құрылыстың қатысушыларына кепілдіксіз несие беру жоспарларының жүзеге асқанын күтетін болады.  

"Байтерек" холдингісінің еншілес ұйымы

"Жақсы жаңалықты жеткізгім келіп отыр: Қазақстанда тұрғын үй құрылысын кепілдендіру қоры бар, ол "Бәйтерек" холдингінің еншілес ұйымы. Ол құрылыстың аяқталу тәуекелділігіне кепілдік беру үшін және  азаматтарымызға өркениетті тәсілмен үлестік құрылысқа қатысуына мүмкіндік беру үшін жасалды. Қыркүйектің басында құжат қабылдай бастаймыз, ол "Астана Миллениум Парк". Біз салымшыларымызға шаршы метрін 290 мың теңгеден сататын боламыз",  - деді Ләззат Ибрагимова. 

Оның атап өтуінше, үлескерлік қатысуға берілетін несие кепілсіз берілетін болады. "Кепіле үлескерлік қатысу келісім-шарты болмақ, өйткені "Базистің" аталмыш нысаны тұрғын үй құрылысын кепілдендіру қорымен кепілдендірілген. Бұл "Нұрлы жер" мемлекеттік бағдарламасының компоненттерінің бірі", — деп нақтылады ТҚЖБ басшысы.

Біз бір қабатты Қазақстанның құрылысын қалай жүзеге асырамыз? 

Жеті айдың қорытындысы бойынша "Нұрлы жер" бағдарламасы аясында барлық қаржыландыру көздері есебінен 6,2 миллион шаршы метр жаңа үйлер пайдалануға берілді. Бұл көрсеткіш бағдарлама аясындағы жылдық жоспарды 61 % құрайды және 2016 жылдағы тиісті көрсеткіштермен салыстырғанда 8,2% артық болып табылады. Роман Склярдың мәліметтері бойынша, тұрғын үйді пайдалануға беру реті бойынша Астана, Алматы қалалары, Маңғыстау және Оңтүстік Қазақстан облыстары көшбасшы орында. 

Вице-министрдің айтуынша: "Жеке үйлердің тапсырылу көрсеткіші Маңғыстау, Қызылорда және Батыс Қазақстан облыстарында басым болып отыр. Тұрғын үй құрылысының жеті айлық қорытындысы бойынша барлық қаржыландыру көздерінен 445 миллиард теңге, оның ішінде мемлекеттік инвестициядан 75 миллиард теңге бөлінді. Мемлекеттік қаржы есебінен көлемі 541,3 мың шаршы метр болатын 8829 пәтер салынды. Жыл соңына дейін қосымша 948,2 мың шаршы метрді құрайтын 16 мың 176 пәтерді тапсыру көзделуде. Мемлекеттік қаржыландыру есебінен барлығы 25 мың пәтер немесе 1,5 миллион шаршы метр тапсырылады".
Архивное фото строительства жилого комплекса - Sputnik Қазақстан
Қоғам
Қазақстанда "Нұрлы жер" тұрғын үй бағдарламасының тұжырымдамасы даярланды
Мемлекет азаматтарға құрылыс жұмыстарын жүргізуге арналған жер телімдеріне инфрақұрылымды өткізуді де қамтамасыз ететінін де Роман Скляр еске салды. Жыл сайын желілерді жүргізу үшін 80 миллиард теңге бөлу көзделуде. Оның жартысын жеке тұрғын үйлер құрылысының аудандарына инженерлік желілерді тарту бөлу жоспарланып отыр. «Орта есеппен алғанда осы ретте 15 жыл ішінде 40 мыңнан астам жер телімдерін желілермен қамтамасыз етуге мүмкіндік туады", — деп көрсетті вице-министр. Оның айтуынша, осы жылы осындай 23,5 мың жер телімдері желілермен қамтылды. Оған қоса, төрт облыс орталығында біртекті сәулет стиліндегі жеке үйлердің пилоттық жобасын іске асыру басталды. Мұндай үйлердің құны отандық құрылыс материалдарын қолдану есебінен алғанда шаршы метріне 120 мың теңгені құрайды.
Пилоттық жобада дайын үйлерді сатып алу құқығы жер телімдеріне кезекке тұрған азаматтарға беріледі. Кезекке тұрған адамдардың бұл үйлерді өз есебінен немесе "Тұрғын үй құрылыс жинақ банкінің" жылдық көрсеткіші 5% болатын арнайы бағдарламасы арқылы сатып алуға мүмкін. Осылайша, мемлекет тарапынан тұрғын үй таңдау шын мәнінде әртүрлі болып табылады. Ең бастысы еңбек ақысы тек таңдап қана қоймай, сонымен қатар таңдалған арендалық тұрғын үйдің тапсырылуын да күту қажет болады.
Жаңалықтар
0