АСТАНА, 11 қар — Sputnik. ҚР ішкі істер министрінің орынбасары Рашид Жақыпов Бас прокуратураның полицейлерге қарсы озбырлық үшін жауапкершілікті қатаңдату керек деген ұсынысын қолдайтындығын айтты.
Бұдан бұрын Қазақстан Бас прокуратурасы билік өкілдеріне бағынбау және оларға қарсы күш қолдану үшін жауапкершілікті қатаңдатуды ұсынған еді. Қадағалау органының мәліметінше, бұл шаралар құқықтық тәртіпті қорғаушы қызметкерлер қаза тапқан терактілерге қатысты ұсынылып отыр.
Бас прокуратура әзірлеген заң жобасы бойынша, құқықтық тәртіпті қадағалаушы қызметкердің өміріне қол салғаны үшін жеке жауапкершілікке тартуды енгізілуі тиіс.
"Басқа да азаматтардыкі секілді құқық қорғау органы қызметкерінің құқығы қорғалуы тиіс. Бұл бүкіләлемдік тәжірибе. Сол себепті мен құқықтық тәртіпті қадағалаушы қызметкердің өміріне қол салғаны үшін қылмыстық жауапкершілікке тартуды енгізуді қолдаймын. Бұл қажетті іс-шара деп есептеймін", — деді Жақыпов тілшілерге.
