Театр қашан құрылды
Облыстық опера және балет театры 2007 жылы 3 сәуірде құрылды. Өнер ордасының шымылдығы 2008 жылы 7 қарашада "Інжу-Маржан" қойылымымен ашылды. Салтанатты ашылу рәсіміне Қазақстан президенті Нұрсұлтан Назарбаев та қатысқан болатын.
Тағы оқыңыз: Қызылорда облыстық Нартай Бекежанов атындағы қазақ музыкалық драма театры
Театр ғимараты 1984 жылы салынған, 2007 жылы театрға бейімделіп қайта қалпына келтірілді. Мекеме ішінде 300 көрерменге арналған үлкен зал мен 86 орындық кіші зал бар.
Бүгінде облыстық опера және балет театрының репертуарындағы қойылымдар мыналар: Дж.Верди "Травиата", "Риголетто", Р.Леонкавалло "Паяцы", А.Жұбанов, Л.Хамиди "Абай", Е.Брусиловский "Қыз Жібек", С.Мұхамеджанов "Айсұлу", Е.Рахмадиев "Қамар Сұлу", Қазақ операларынан үзінділер жиынтығы "Інжу-Маржан", П.Чайковский "Евгений Онегин", С.Рахманинов "Алеко", У.Гаджибеков "Аршын мал алан", Г.Доницетти "Махаббат шырыны", М.Төлебаев "Біржан – Сара»", П.Масканьи "Сельская честь", С.Ахметова, Р.Шынықұлов "Махаббат мұнарасы", Дж.Россини "Севильдік шаштараз", И.Морозов "Доктор Айболит", Р.Салаватов "Қарлы ханым", П.И.Чайковский "Щелкунчик".
Репертуардағы спектакльдердің үшеуі балаларға арналған.
Театрда барлығы 212 адам жұмыс істейді, оның ішінде 103-і – әртістер.
Тағы оқыңыз: "Екі езу" сатира театры
Өнер иелерінің арасында 1 Қазақстанның халық әртісі, 4 мәдениет қайраткері, 1 Қазақстан Жастар одағы сыйлығының лауреаты, 2 мәдениет саласының үздігі бар.
Шымкенттегі облыстық опера және балет театрын 2017 жылдың 1 ақпанынан бері Қазақстанның мәдениет қайраткері Әбдіхан Нұрмаханбетов басқарады.
Театрдың көркемдік жетекшісі – Мәдихан Дүйсеев. Халықаралық, республикалық байқаулардың лауреаты, 2018 жылдың қорытындысы бойынша Түркістан облысы әкімінің "Ең үздік әнші" номинациясын жеңіп алды.
