07:20 07 Мамыр 2021
Тікелей эфир
  • USD426.99
  • EUR514.35
  • RUB5.72
Саясат
Қысқа сілтеме алу
34 0 0

Әңгіме барысында тараптар Қазақстан мен Беларусь азаматтарын вакциналауға қатысты іс-қимылдар жайында ақпарат алмасты

АЛМАТЫ, 30 сәуір – Sputnik. Қасым-Жомарт Тоқаев пен Александр Лукашенко Қазақстан мен Беларусь арасындағы ынтымақтастықты нығайтудың перспективаларын талқылады. Бұл туралы Ақорда хабарлады.

Екі елдің басшысы пандемиядан кейінгі кезеңде екіжақты экономикалық байланыстың жоғары қарқынын сақтаудың маңыздылығын, сондай-ақ бірлескен жаңа жобалар мен бастамаларды жүзеге асыру қажет екенін айтты.

Осыған байланысты өзара сауда-саттық көлемін ұлғайту, экспортталатын тауар түрлерін әртараптандыру, екі елдің бизнесі мен өңірлері арасындағы тікелей қатынастарды жолға қою үшін үкіметтердің ықпалдастығын жандандыруға дайындық мәселесі нақтыланды.

"Ынтымақтастық жөніндегі үкіметаралық комиссияның кезекті отырысын жуық арада өткізуге уағдаласты", – делінген ақпаратта.

Сондай-ақ екі елдің президенті коронавирус пандемиясымен күресу үшін қабылданып жатқан шаралар, соның ішінде екі ел азаматтарын вакциналауға қатысты іс-қимылдар жайында ақпарат алмасты.

Жоғары еуразиялық экономикалық кеңестің биыл мамырда өтетін отырысын ескере отырып, Қасым-Жомарт Тоқаев пен Александр Лукашенко күн тәртібіндегі негізгі интеграциялық мәселелерді тағы да бір мәрте пысықтады.

Оқи отырыңыз: Жастар мемлекеттің басқару тізгінін қолға алуға дайын болу керек – Тоқаев

Екі елдің басшысы бір-бірін алдағы келе жатқан мамыр мерекелерімен құттықтап, Қазақстан мен Беларусь халқының берекесі артып, өсіп-өркендей беруіне шынайы тілектестік білдірді.

Тақырып бойынша

Тоқаев Qazaq Republic жобасы авторымен кездесті
Ел тыныштығын бұзатындарды қатаң жауапқа тартамыз - Тоқаев  
Тоқаев қырғыз-тәжік мемлекеттік шекарасындағы жағдайға байланысты мәлімдеме жасады
Кез келген қиындықты еңсеріп, көздеген мақсатымызға жетеміз – Тоқаев
Жастар мемлекеттің басқару тізгінін қолға алуға дайын болу керек – Тоқаев
Кілт сөздер:
Александр Лукашенко, Қасым-Жомарт Тоқаев
Загрузка...

Басты тақырып