Оқиға

Қарсы бетке шыққан: Нұр-Сұлтан тұрғыны тас жолда көз жұмды

© Sputnik / Владислав ВодневАрхивтегі сурет
Архивтегі сурет - Sputnik Қазақстан, 1920, 24.10.2021
Жазылу
Жол апаты "Көкшетау – Қостанай" тас жолында болды. Қаза тапқандар мен зардап шеккендер бар

НҰР-СҰЛТАН, 24 қазан – Sputnik. Ақмола облысында екі көлік соқтығысып, бір жолаушы қаза болды.

Өңірлік полиция департаментінің ақпаратынша, оқиға 22 қазан сағат 16:15 шамасында Еленовка ауылы маңында болған. "Көкшетау-Қостанай" тас жолының 25 шақырымында екі жеңіл көлік соқтығысты.

"Volkswagen Golf автокөлігін айдаған 34 жастағы елордалық әйел Қостанайға бара жатқан жолда рөлге ие бола алмай, қарсы бетке шығып кетті. Салдарынан KIA Sportage маркалы автокөлікпен соқтығысты. Рөлде 55 жастағы қостанайлық отырған", - делінген хабарламада.

Volkswagen Golf көлігінің жолаушысы – Нұр-Cұлтан қаласының 41 жастағы тұрғыны оқиға орнында мерт болды. Екі көліктің жүргізушілері мен үш жолаушы көпбейінді облыстық ауруханаға жеткізілді.

Бұл факті бойынша Қылмыстық кодекстің 345-бабы 3-тармағы "Жол қозғалысы ережелерін бұзу" бойынша сотқа дейінгі тергеу басталды. Сараптама тағайындалды.

Автокөліктер Көкшетау қаласының арнайы тұрағына қойылды.

Оқи отырыңыз: 

Жаңалықтар
0