АСТАНА, 13 сәуір – Sputnik. Ішкі істер министрлігі халықаралық іздеуде жүрген блогерді ұстады, деп хабарлайды Sputnik Қазақстан.
Заңсыз ойын бизнесін ұйымдастырды деген күдікке ілінген блогер Камрань қаласында қолға түскен.
"Аталған азамат әлеуметтік желілерде онлайн-казинолардың жарнамалық бейнематериалдарын жүйелі түрде жариялап, пайдаланушыларды құмар ойындарға тартқан", - деп жазылған Polisia.kz хабарламасында.
Күдікті 100 млн теңгеден астам көлемде заңсыз табыс тапқан. Ақша оның атына тіркелген криптовалюта әмиянына аударылып отырған.
Қазіргі уақытта оны Қазақстан Республикасына экстрадициялау мәселесі қарастырылып жатыр.