АСТАНА, 8 наурыз – Sputnik. "Қазгидромет" синоптиктері 9 наурызға жасалған ауа райының болжамын жариялады.
Болжамға сәйкес, дүйсенбі күні Қазақстанның басым бөлігінде солтүстік-батыстан келген циклон әсерінен жаңбыр мен қар жауады, кей өңірлерде жауын-шашын мол түседі. Елдің солтүстік-батысы мен оңтүстігінде нөсер жаңбыр мен қалың қар жауады.
Сонымен қатар, республика бойынша жел күшейеді, боран соғады, көктайғақ және тұман болады.