АЛМАТЫ, 12 желтоқсан – Sputnik. Қазақстан мен Ресейдің стратегиялық серіктестігі мәселесін Қазақстандағы орыс, славян және казак ұйымдары қауымдастығының басшысы, мәжіліс депутаты Сергей Пономарев пен Ресейдің Қазақстандағы елшісі Алексей Бородавкин талқылады, деп хабарлады Ресейдің Қазақстандағы елшілігі.
Алексей Бородавкин Сергей Пономаревпен Астанада кездесті.
"Елші бірлестіктердің қоғамдық белсенділігі ең алдымен қазақстандық-ресейлік жан-жақты стратегиялық серіктестікті және одақтастықты қарқынды дамытуға бағытталуы керек екеніне сенім білдірді", – делінген хабарламада.
Сұхбаттасушылар өзара қызығушылық тудыратын мәселелер бойынша, оның ішінде Ресей ғылым және мәдениет орталығын тарту арқылы практикалық ынтымақтастық орнатуға келісті
Кездесу достық және сенімді атмосферада өтті.