АСТАНА, 3 желтоқсан - Sputnik. Түркістан облысында қайтарылған активтер есебінен музыкалық мектеп ашылды, деп хабарлады бас прокуратура.
300 оқушыға арналған музыка өнері мектебі Ордабасы ауданында салтанатты түрде ашылды.
Түркістан облысында музыкалық мектеп ашылды
Ведомство хабарлағандай, заманауи талаптарға сай салынған жаңа білім беру мектебі балаларға сапалы музыкалық білім алуға мүмкіндік береді, дарынды балаларды халықаралық конкурстарға даярлауға жағдай жасайды, сондай-ақ өңірдің мәдени әлеуетін нығайтады.
Мектепте домбыра, қобыз, фортепиано және басқа да музыкалық аспаптарды үйретуге арналған заманауи, арнайы жабдықталған кабинеттер қарастырылған.
"Біз көктемде құрылысты бастап, уақыт капсуласын салдық, ал бүгін, небәрі сегіз айдан кейін, құрылыс жұмыстарының қаншалықты жылдам және сапалы аяқталғанына куә болып отырмыз", – деді бас прокурордың орынбасары Ғабит Садырбеков.
Түркістан облысында музыкалық мектеп ашылды
Қазіргі уақытта қайтарылған активтер есебінен үкіметпен еліміздің түрлі өңірінде 434 әлеуметтік нысан іске асырылып жатыр, олардың 30-ы Түркістан облысында орналасқан.