АСТАНА, 21 қараша – Sputnik. Атом энергетикасы жөніндегі агенттіктің төрағасы Алмасадам Сәтқалиев Балқаш атом электр станциясының құрылысы қашан басталатынын айтты, деп хабарлайды Sputnik Қазақстан тілшісі.
Қазіргі кезде АЭС салынатын жерде гидрологиялық, гидротехникалық және топографиялық зерттеу жұмыстары атқарылды. Екі гидробекет орнатылды.
"Жалпы, барлық жұмыс кесте бойынша атқаралып жатыр. 18 айдың ішінде жобалау-іздестіру шаралары аяқталады. Одан кейін станцияның конфигурациясы қолымызда болады. Құрылыс жұмыстарының нақты қай кезде басталатынын айту қиын. Бірақ ресейлік жоба бойынша 2029 жылы басталады", - деді Сәтқалиев журналистерге берген сұхбатында.
Айта кетері, Балқаш атом электр станциясын ресейлік "Росатом" компаниясы басқаратын халықаралық консорциум салады.