АСТАНА, 26 тамыз – Sputnik. Шымкент қаласы әкімінің орынбасары Руслан Берденов қызметінен босатылды деген әлеуметтік желіде тараған ақпаратқа қатысты қалалық әкімдік жауап берді.
Әкімдіктің мәліметінше, оқ тиіп жараланған әкім орынбасары әлі ем қабылдап жатыр.
"Руслан Берденов қызметінен босатылған жоқ. Ол әлі ем қабылдап жатыр", - дейді қалалық әкімдіктегілер.
Еске сала кетейік, 22 сәуірде Шымкент қаласы әкімінің орынбасары Руслан Берденовті атып кетті.
20 тамызда оны атқан Ернар Жиембай 9 жылға бас бостандығынан айырылды.