АСТАНА, 13 тамыз - Sputnik. 14-24 тамыз аралығында Мәскеудегі "Ходынское Поле" саябағында Grand Skate Tour 2025 халықаралық көше мәдениеті фестивалі өтеді.
"Grand Skate Tour Мәскеуге жаңа, кеңейтілген форматта қайта оралды. Бағдарламада скейтбордингпен қатар, лонгбординг, ролик және самокаттар да бар. Ал географиялық қамту жағынан да - елдегі басқа бірде-бір спорттық іс-шара биыл мұнша көп елді алаңға жинамайтын шығар", - деді Ресей скейтбординг федерациясының президенті Илья Вдовин.
Оған 60-тан астам елден 5 мыңнан астам қатысушы қатысады, деп хабарлады фестивальдің баспасөз қызметі.
Олардың арасында Матиас Дель Олио, Анджело Каро, Габи Мазетто, Дэнни Вэй, Даллас Оберхольцер секілді скейтбординг жұлдыздары бар. Сонымен қатар, роллер-спорт, самокат және лонгбординг жұлдыздары да қатысады.
Жарыстардан басқа фестиваль бағдарламасына түрлі мәдени іс-шаралар, білім беру форумы, шеберлік сабақтары, көрмелер және КСРО коньки мұражайына саяхат кіреді.
Сайт арқылы фестиваль кестесін қадағалап, шеберлік сабақтарына жазылуға және бағдарламамен танысуға болады.
Grand Skate Tour – әртүрлі елдің кәсіби және әуесқой скейтбордшыларын біріктіретін скейт-шаралар сериясы.