АСТАНА, 25 шілде-Sputnik. Қазақстанда "Tiryaki Agro" түрік компаниясының қатысуымен астықты терең өңдеу кешені салынады. Бұл туралы инвестштабтың кезекті отырысында айтылды.
Жоспарланған өндірістік қуаттылығы жылына 250 мың тонна өңделген бидай мен 80 мың тонна бұршақ болады. Инвестициялардың жалпы көлемі - шамамен 160 миллиард теңге.
Түркия Қазақстанда астық өңдеуге 620 млн АҚШ доллары көлемінде инвестиция салады
© Photo : Пресс-служба правительства Казахстана
Екінші жоба - "YDA Group"басқа түрік компаниясының қатысуымен тыңайтқыштар мен пестицидтер өндіретін агрохимиялық кешен салу. Өндіріс қуаттылығы – жылына 150 мың тонна, инвестиция көлемі – 168 млрд теңге.
Түркия Қазақстанда астық өңдеуге 620 млн АҚШ доллары көлемінде инвестиция салады
© Photo : Пресс-служба правительства Казахстана
"Екі жоба да ауыл шаруашылығы шикізатын терең өңдеуді дамытуға, азық - түлік қауіпсіздігі деңгейін арттыруға, импортты алмастыруға және қосылған құны жоғары өнім ассортиментін кеңейтуге бағытталған", - деп атап өтті үкімет.
Қазақстанда астық дайындаудың жыл сайынғы көлемі 16-17 миллион тонна деңгейінде. Оның үштен бір бөлігі экспортқа кететінін ескере отырып, өнімнің 260 түрін қамтитын ішкі өңдеуді дамыту экономиканы әртараптандыру және агроөнеркәсіптік кешеннің орнықты дамуы үшін қосымша мүмкіндіктер ашады.