АСТАНА, 13 маусым - Sputnik. Алматы облысына қарасты Өтеген батыр ауылында жеңіл көлік аялдамаға соқтығысқан. Жан түршігерлік жол апатының суреті мен видео әлеуметтік желіде тарады.
Өтеген батыр ауылының Жансүгіров көшесімен келе жатқан BMW-323 жүргізушісі рөлді басқара алмай, автобус аялдамасына соғылды. Жол - көлік оқиғасы салдарынан жолаушылардың бірі сол жерде қаза тапты. Ал жүргізуші аурухананың реанимация бөлімінде қайтыс болды.
"Көлікте үш адам болған. Екі адам қаза болып, тағы бір жолаушы түрлі жарақаттармен ауруханаға жеткізілді. Қылмыстық іс қозғалып, тергеу амалдары жүріп жатыр", - деді облыстық полиция.