АСТАНА, 21 мамыр – Sputnik. Экология және табиғи ресурстар министрі Ерлан Нысанбаев Өскемен қаласына барды.
Ведомство Шығыс Қазақстан облысында тексеру жүргізеді. Экология министрлігінің баспасөз қызметінде айтылғандай, тексеру жұмыстарына "Өскемен титан-магний комбинатының аумағынан ластаушы заттардың рұқсат етілмеген шығарындылары" себеп болды.
Өскеменде ауа ластаушы заттар шығарылған: министрлік тексеріс бастады
"Сапар барысында министр "ӨҚ ТМК" кәсіпорнына барып, болған оқиғаның мән-жайымен танысты, сондай-ақ компания басшылығымен және жергілікті билік өкілдерімен кездесті", - делінген хабарламада.
Шығыс Қазақстан облысы бойынша департамент экологиялық нормалардың сақталуын бағалау және ықтимал бұзушылықтарды анықтау үшін "ӨҚ ТМК-ға" қатысты жоспардан тыс тексеруге бастамашы болды. Тексеру аймақ экологиясының жағдайына әсер етуі мүмкін кәсіпорын қызметінің барлық аспектілерін қамтиды.
Өскеменде ауа ластаушы заттар шығарылған: министрлік тексеріс бастады
Нысанбаев шенеуніктерге бірқатар тапсырмалар берді:
экологиялық стандарттардың бұзылуына байланысты кәсіпорынның әрекеттерінің (немесе әрекетсіздігінің) заңдылығын бағалау, сондай-ақ болған оқиғаға құқықтық бағалау жүргізу;
қолданыстағы заңнама шеңберінде барлық қажетті ықпал ету шараларын, соның ішінде лауазымды тұлғаларды және жалпы кәсіпорынды жауапкершілікке тартуды қабылдау.
Сондай-ақ, министр болашақта осындай оқиғалардың алдын алу үшін шұғыл шаралар қабылдауды, оның ішінде өңірдің басқа да объектілерінде экологиялық талаптардың сақталуын бақылауды күшейтуді тапсырды.
Экология министрлігі тексеріс нәтижелерін хабарлауға уәде берді.