АСТАНА, 26 тамыз – Sputnik. Астанада мопед мінген жас жігіт жүк көлігіне соғылып көз жұмды, деп хабарлайды Sputnik Қазақстан.
Қалалық полиция департаменті ұсынған ақпаратқа сәйкес, жол апаты 25 тамызда кешкі сағат 21:14-тің шамасында болған. Мопед мінген жас жігіт Сарайшық көшесімен келе жатқанда жолда тұрған "КамАЗ"-дың артына соғылып, алған жарақатынан оқиға орнында көз жұмды.
Қазіргі кезде қылмыстық іс қоғалды. Полиция тергеу шараларын бастап кетті. Ал әлеуметтік желіде тараған видеоларға қарағанда мопед жолдың бойында тұрған коммуналдық қызметтің көлігіне соғылған.