АСТАНА, 12 тамыз – Sputnik. Түркістан облысының полициясы тұрғындарды 1,2 млн теңгеге алдады деген күдікпен 28 жастағы ер адамды ұстады, деп хабарлады Polisia.kz.
Ол жәбірленушілерді әлеуметтік желідегі жалған интернет дүкен парақшасы арқылы алдаған.
Күдікті жігіт үй жиһазын жеткізетіндігін айтып, сенімге кіріп, 4 бірдей тұрғынды алдап үлгерген. Ол жиһаз сатып, жеткізіп беретінін хабарлап, тұтынушыдан алдын ала төлем жасауын сұраған. Ал ақшаны алғаннан кейін сол күйі кері байланысқа шықпаған.
Жәбірленушілерге 1,2 млн теңге шығын келтірген. Қазіргі таңда күдіктінің ісі сотқа өтті.