АЛМАТЫ, 27 қаңтар — Sputnik. Алматылықтар тағы да 2 балдық жерасты дүмпулерін сезді, деп хабарлайды сейсмологтар.
"Төтенше жағдайлар министрлігі сейсмикалық станциялар желісі 2024 жылғы 27 қаңтарда Алматы уақытымен сағат 15:03-те жер сілкінісін тіркеді", - делінген хабарламада.
Эпицентрі – Қытай аумағында, Алматыдан оңтүстік-шығысқа қарай 257 км жерде.
Жер сілкінісінің энергетикалық класы 12.0.
MPV магнитудасы 5.5.
Тереңдігі 5 км.
Жерасты дүмпуі Алматыда 2 балл болды.
Айта кетері, 23 қаңтарға қараған түні Алматыда 4 балдық жер сілкінді.
Жер сілкінісінің эпицентрі Алматы қаласынан оңтүстік-шығысқа қарай 264 шақырым жерде, Қытай мен Қырғызстан шекарасында орналасқан.
Жер сілкінісі салдарынан бірнеше нысанға зақым келген.
Жақында Алматы полициясы зілзала туралы жалған ақпарат таратқан екі әйелді анықтады.
ТЖМ ақпаратынша, төрт күн ішінде ел аумағында 1900-ден астам жерасты дүмпуі тіркелді, оның 11-і сезілген.