АСТАНА, 27 қыркүйек - Sputnik. Бейжіңде Ұжымдық қауіпсіздік шарты ұйымының бас хатшысы Иманғали Тасмағамбетов Шанхай ынтымақтастық ұйымы мен Тәуелсіз Мемлекеттер Достастығындағы әріптестерімен кездесті, деп хабарлады ҰҚШҰ баспасөз қызметі.
Имангали Тасмагамбетов встретился с генсеком ШОС Чжан Мином и заместителем генсека СНГ Ильхомом Нематовым
Чжан Минг пен Ильхом Нематовтың кездесуінде Иманғали Тасмағамбетов өзінің жауапкершілігі аймағындағы қауіпсіздік пен тұрақтылық саласындағы жағдайға бағасын берді.
" Тараптар өзекті халықаралық және өңірлік мәселелер бойынша пікір алмасты, үш ұйым арасындағы ынтымақтастықтың жай-күйі мен оны дамыту перспективаларын талқылады", - деп атап өтті ШЫҰ баспасөз қызметі.
ТМД хатшысының орынбасары Ильхом Нематовтың айтуынша, кездесу ұжымдық Батыстың деструктивті саясатының нәтижесінде батыс пен шығыс арасындағы қарама-қайшылық бүкіл әлем үшін айтарлықтай саяси, экономикалық және гуманитарлық қиындықтар туғызатын халықаралық шиеленістің өсуі аясында өтті.
"Бұл біздің ұйымдардың алдына қазіргі заманғы сын - тегеуріндерге қарсы тұру мақсатында күш-жігерді біріктіру, елдеріміздің алдында тұрған проблемаларды шешу бойынша бірлескен шараларды әзірлеу бойынша үлкен міндеттер қояды", - деп атап өтті ТМД атқару комитетінің баспасөз қызметі.
Имангали Тасмагамбетов встретился с генсеком ШОС Чжан Мином и заместителем генсека СНГ Ильхомом Нематовым
ҰҚШҰ атап өткендей, кездесуде терроризм мен экстремизмге, есірткінің заңсыз айналымына, трансшекаралық қылмысқа қарсы күрес саласындағы практикалық өзара іс-қимылға, сондай-ақ үш ұйымның ақпараттық-болжамдық құрылымдары арасындағы неғұрлым белсенді өзара іс-қимылды дамытуға ерекше назар аударылды.
Алдыңғы үшжақты кездесу өткен жылдың қараша айында ҰҚШҰ бастамасымен өткен болатын.