АСТАНА, 19 тамыз – Sputnik. Қарағанды облысында "Қазақстан" шахтасында қаза болған төртінші кеншінің денесі табылды, деп хабарлайды "АрселорМиттал Теміртау" АҚ баспасөз қызметі.
1994 жылғы Артур Халиков 4 разрядты жерасты электршебері болып жұмыс істеген. Еңбек өтілі 10 жыл.
"АрселорМиттал Теміртау" АҚ ұжымы марқұмның туған-туыстары мен жақындарына көңіл айтты.
Өрт кезінде жер астында қалған бесінші шахтер әлі іздестіріліп жатыр.
Еске салсақ, 17 тамыз сағат 10.05-те "Қазақстан" шахтасында конвейер лентасы өртенді. ТЖ кезінде жер астында 227 адам болған, оның 222-сі құтқарылды. Жер астында қалған бес кеншінің төртеуінің денесі табылды.
Қылмыстық кодекстің 277-бабы 3-тармағы "Тау-кен немесе құрылыс жұмыстарын жүргізу кезінде қауіпсіздік ережелерін бұзу" бойынша қылмыстық іс тіркелді.
Премьер-министр Әлихан Смайылов 19 тамызда апат болған шахтаға барды. Үкімет басшысы қаза болған кеншілердің отбасына мемлекет пен жұмыс беруші тарапынан қажетті көмек көрсетілетінін мәлімдеді.