Үлкен Алматы айналма автомобиль жолы: жаңа тас жолдың ерекшелігі неде

Егер бұрын жүк тасымалдаушылары қала арқылы өту үшін кептелісте бірнеше сағат тұрсаа, енді бір сағатқа жетер-жетпес аз уақытта оны айналып өтіп, кез келген қажетті қалааралық немесе халықаралық бағыт бойынша сапарын жалғастыра алады.

Үлкен Алматы айналма автомобиль жолының осы және басқа да ерекшеліктері туралы, сондай-ақ жаңа тас жолдың суреттерімен Sputnik Қазақстан тілшісінің репортажынан танысыңыз.

1 / 15

Автомобиль жолы – "Батыс Еуропа – Батыс Қытай" халықаралық көлік дәлізінің бөлігі, ол бірнеше халықаралық дәліздердің қиылысында салынған.

2 / 15

Үлкен Алматы айналма автомобиль жолының ұзындығы 66 шақырымды құрайды, екі жағы да үш жолақты, жылдамдық шектеуі сағатына 120 шақырымды құрайтын бұл – бірінші санаттағы жол.

3 / 15

Инфрақұрылымдық жобаға 21 көпір, сегіз екі деңгейлі жол айрығы, екі эстакада және 18 жол өтпесі кірді. Үлкен Алматы айналма автомобиль жолына жеті нүкте арқылы кіруге болады.

4 / 15

Үлкен Алматы айналма автомобиль жолы 14 ауылдық елді мекенді "қоршап тұр". Бірінші айда көлік жүргізушілері жолды тегін пайдаланады. Содан кейін жол жүру ақысы алына бастайды.

5 / 15

Жол жүру ақысы аса қымбат емес.

6 / 15

Автомагистральдің ашылуы Алматыда және қала маңындағы аумақтарда көлік жүктемесін азайтады, транзиттік көліктерге тығыз орналасқан ғимараттардан тыс жерлерде жүруге мүмкіндік береді және қала экологиясын жақсартады.

7 / 15

Жайылып жүрген малдың тас жолға шығуына жол бермес үшін тас жолдың бүкіл ұзына бойына рабица торынан дайындалған тізбекті қоршаулар орнатылды.

8 / 15

Көліктің күтпеген жерден бұзылып қалуын есепке алмағанда, үлкен Алматы айналма автомобиль жолының бойында тоқтауға қатаң түрде тыйым салынады.

9 / 15

Бұл ретте тас жолға қызмет көрсететін компания әрекет етіп, бұзылған көліктерді кейіннен эвакуациялау үшін жолдың арнайы бөлігіне шығарады.

10 / 15

66 шақырымнан астам тас жолда 24 бақылау аркасы, 140-тан астам камера, 18 ауыспалы ақпарат таблосы, 28 басқарылатын жол белгісі орнатылды.

11 / 15

Аппаратура кез келген шет мемлекеттің автокөлік нөмірлерін анықтай алады.

12 / 15

Үлкен Алматы айналма автомобиль жолына кірер жолда және шығаберісте шлагбаумдар қарастырылмаған.

13 / 15

Тас жолға кіру сәтін 12 аркадағы камералар түсіреді.

14 / 15

Үлкен Алматы айналма автомобиль жолында жол жүру ақысын банктік қосымшалар арқылы төлеуге болады, ал осы жылдың маусым айының соңында Qiwi-әмияны арқылы төлем іске қосылды.

15 / 15

Visa және Mastercard карталарының иелері Үлкен Алматы айналма автомобиль жолының сайты – barr.kz арқылы ақшаны тікелей сала алады.

Үлкен Алматы айналма автожолы ашылды

16 Маусым 2023, 10:23

Үлкен Алматы айналма автомобиль жолы: жаңа тас жолдың ерекшелігі неде – фото