АЛМАТЫ, 11 маусым – Sputnik. Алматы – Өскемен республикалық тасжолында қайғылы апат болды, деп хабарлайды Жетісу облысы полиция департаментінің баспасөз қызметі.
Оқиға 10 маусым күні сағат 16:00 шамасында болған.
Көксу ауданы маңында "Тойота камри" мен "Тойота Ленд Крузер Прадо" жол талғамайтын көлігі соқтығысқан. Алдын ала болжам бойынша көліктердің бірінің доңғалағы жарылған.
"Салдарынан жол талғамайтын көліктегі үш жолаушы әйел оқиға орнында қаза болды", - деді полициядағылар.
Полиция жүргізушілерге жылдамдықты асырмай, жол ережесін қатаң сақтауды ескертеді.