АСТАНА, 25 сәуір – Sputnik. Алматының Алмалы аудандық соты Ұлттық қауіпсіздік комитеті қалалық департаментінің бұрынғы басшысына қатысты үкім шығарды.
Ол билік пен лауазымдық өкілеттігін асыра пайдалану (Қылмыстық кодекстің 362-бабы 4-бөлігі) бойынша кінәлі деп танылды, деп хабарлады Алматы сотының баспасөз қызметі.
Сот үкімімен ҰҚК-нің бұрынғы департамент басшысы 6 жылға бас бостандығынан айырылды. Ол 10 жыл бойы мемлекеттік қызметте, жергілікті өзін-өзі басқару органдарында, қаржы ұйымдарында қызмет атқара алмайды. ҰҚК генерал-майоры арнайы атағы қайтарып алынады.
Сот үкімі әлі заңды күшіне енген жоқ.