АЛМАТЫ, 3 қараша – Sputnik. Ғылым және жоғары білім министрлігі жыл сайынғы "Үздік ғылыми қызметкер" сыйлығына байқау жариялады.
"Байқаудың қорытындысы бойынша еліміздің үздік ғалымдарына 50 сыйлық тағайындалады. 1 сыйлықтың мөлшері 2000 айлық есептік көрсеткіш, яғни 6 126 000 теңге болады", - деп хабарлады министрлік.
Айта кетері, өткен жылы байқау жеңімпаздарына 5 834 000 теңгеден берілді. Конкурстың мақсаты – отандық ғылымның дамуына елеулі үлес қосқан ғалымдар мен ғылыми қызметкерлердің еңбегін көтермелеу.
Конкурсқа қатысуға өтінімдер министрліктің ақпараттық жүйесі арқылы электронды форматта 3 желтоқсанға дейін қабылданады.