НҰР-СҰЛТАН, 5 қыркүйек – Sputnik. Ақмола облысында аң аулап жүрген ер адам абайсызда танысын жарақаттады, деп хабарлады Polisia.kz.
2 қыркүйекте Атбасар АПБ-ға аудандық аурухананың қабылдау бөліміне кеуде тұсынан оқ жарақатын алған 39 жастағы жергілікті тұрғын жеткізілгені туралы телефон хабарламасы келіп түсті.
Алдын ала тергеу барысында 2 қыркүйекте кешкі сағат 17.00 шамасында Атбасар қаласының 32 жастағы тұрғыны аң аулап жүргенде абайсызда жәбірленушіні атып жібергені анықталды. Оқиға Есіл өзенінің маңында болған.