НҰР-СҰЛТАН, 8 тамыз - Sputnik. Өскеменде ITF World Tennis Tour W25 сериясының жалпы жүлде қоры 25 мың АҚШ долларын құрайтын әйелдер турнирі басталды.
Шығыс қазақстан облысы теннис мектебінің тәрбиеленушісі Малика Әмірғалиева беделді жарыстың негізгі бөлігіне шықты. Квалификация финалында WTA-да әлі рейтингісі жоқ 14 жастағы қазақстандық 18 жастағы ресейлік Николь Мишиеваны (1990 WTA) 6:1, 6:4 есебімен жеңді.
Осылайша, Kazzinc Open турнирінің негізгі бөлігінде бес қазақстандық: Жібек Құламбаева, Гозаль Айнитдинова, Мария Синицына (wild card), Татьяна Николенко (wild Card) және Малика Әмірғалиева ойнайды.