Дрон-такси мен жүргізушісіз ұшатын болашақ автокөліктер

Бұрынғы уақытта бұлар жайлы тек фантаст жазушылар өз кітаптарында жазып, фантастикалық кинолар түсіретін. Супермендердің көліктері аспанға көтеріліп, адамның көз ілеспес жылдамдықпен жүйтки жөнелуі қиялды қанаттандыратын. Ал қазір болашақтың бейнесі ретінде көрсетілген бұл картиналар ақиқатқа айналды.

Түрлі технологиялық көрмелердегі ұшатын автокөліктер мен жүргізушісіз таксилер бүгінде таңданыс тудырмайды. Машина жасау саласындағы бұл жаңашылдықтар күндердің бір күнінде қалалардың әуе кеңістігінде ұшуына етіміз үйренуі әбден мүмкін.

Оқи отырыңыз: АҚШ-та өлім жазасына кесілген әйелдер кімдер – фото

Sputnik фототоптамасында әлемнің түрлі елдеріндегі өнертапқыштар мен құрастырушылар ойлап тапқан болашақтың көліктерін тамашалай аласыздар.

1 / 10

Инновацияларды пилоттық тестілеу бағдарламасы аясындағы дрон-таксиді Мәскеу инновациялық кластер қатысушы-компаниясы дайындады. Мұндай басқарушысыз жүретін көлік жолаушылар мен жүктерді әуе арқылы 100 километрге дейінгі қашықтыққа жеткізе алады.

Медиабанкке өту

2 / 10

Мұндай көлік алғаш рет 1946 жылдың 12 шілдесінде аспанға көтерілді. Алайда, Convair Convair Model жобасы сәтсіздікке ұшырады. Сонымен қатар осы тектес конструкциялар басқа елдерде де құрастырылғанымен, аса үлкен танымалдыққа ие болмады. Сондықтан, жаппай өндіріске жіберілмеді.

3 / 10

Әлемдегі ең алғашқы сериялық ұшатын көлік PAL-V Женевадағы автосалонда тұр. Ол үш дөңгелекті болуына байланысты мотоцикл ерекшеліктері бар машина мен гидроплан гибриді болып табылады. Құрастырушылардың пікірінше, мұндай конструкция аэрокарды шағын әрі пайдалануға қолайлы етеді.

CC BY-SA 4.0 / Alexander Migl / Pal-V Front III Genf 2018 (cropped image)

4 / 10

Германиядағы e-volo компаниясы 2011 жылы тікұшаққа көбірек ұқсайтын VC1 ұшатын электрлі автомобиль жасап шығарды. Бұл машина сағатына 100 киломтер жылдамдықты еңсеруге және әуеде бір сағатқа дейін қалықтауға қабілетті. Аппаратты джойстик арқылы басқаруға болады.

CC0 / Johnescalade / E-volo erstflug

5 / 10

2019 жылы Лас-Вегаста өткен CES технологиялық көрмесінде америкалық тікұшақтар жасайтын Bell Helicopter кәсіпорны Bell Nexus 4EX әуе таксиін таныстырды. Оның салоны автомобильдікіндей етіп жасалған: жолаушыларға арналған төрт орын мен ұшқыш отыратын алдыңғы бір орын бар.

6 / 10

1937 жылдың басында Валдо Ватерман өзінің айрықша Arrowbile аэромобилін – итеруші пропеллері бар екі орынды үш дөңгелекті машинаны құрастырды. Автокөлік 100 аттың күші бар Studebaker қозғалтқышымен жабдықталды.

7 / 10

Словакиядағы AeroMobil компаниясы AeroMobil Flying Car ұшатын автомобильдің коммерциялық нұсқасын ұсынды. Оның құны 1 миллион еуродан асты. Автокөлік ұшу режиміне небәрі үш минутта ауыса алады.

8 / 10

Дубайдағы EHang 184 дрон-таксиі. Жүргізушісіз басқарылатын бұл аппараттың сыртқы түрі төрт қалақшасы бар заманауи тікұшаққа ұқсайды. Оның артықшылығы – бұл экологиялық көлік. Ол қоршаған ортаға ешқандай зиян келтірмей, тек электр қуатымен жұмыс істейді. Коптердің кабинасына бір адам ғана сияды.

9 / 10

Audi AG, Airbus және ItalDesign Giugiaro компанияларының концептуалды басқарусыз әрі ұшқышсыз ұшатын электромобилі. Audi Pop.Up.Next электромобилі жермен де, әуемен де қозғала алатын жолаушылар капсуласына ұқсайды.

CC BY-SA 4.0 / Matti Blume / Audi Pop.Up Next, GIMS 2018, Le Grand-Saconnex (cropped image)

10 / 10

"Лужник" стадионында дрон-таксиді сынақтан өткізіп жатыр. Бұл автокөлікті инновацияларды пилоттық тестілеу бағдарламасы аясында Мәскеу инновациялық кластерге қатысушы компания дайындады.

Медиабанкке өту

Дрон-такси мен жүргізушісіз ұшатын болашақ автокөліктер – фото