АЛМАТЫ, 15 қаңтар – Sputnik. Мәжіліс төрағасы Нұрлан Нығматулин мәжілістің тұрақты комитетінің төрағаларын тағайындады, деп хабарлайды Sputnik Қазақстан.
Нығматулиннің айтуынша, мәжілісте тұрақты комитетінің саны 7-ден аспауы керек. Алтыншы шақырылымдағы комитет атауы мен саны жетінші шақырылымда да өзгеріссіз қалды.
Осылайша, мәжілістегі комитеттердің төрағалығы төмендегідей негізде құрылды:
- Аграрлық мәселелер комитетінің төрағасы – Ерлан Барлыбаев ("Ақ жол" партиясынан");
- Экономикалық реформалар және өңірлік даму комитетінің төрағасы – Альберт Рау;
- Әлеуметтік-мәдени даму комитетінің төрайымы – Жәмила Нұрманбетова болды;
- Заңнама және сот-құқықтық реформа комитетінің төрағасы – Қанат Мусин;
- Қаржы және бюджет комитетінің төрағасы – Марат Құсайынов;
- Халықаралық істер, қорғаныс және қауіпсіздік комитетінің төрағасы – Айгүл Құспан;
- Экология мәселелері және табиғатты пайдалану комитетінің төрағасы – Александр Милютин (Қазақстан халық партиясы).
Айта кетейік, бұған дейін мәжіліс төрағасының орынбасары болып Балайым Кесебаева мен Павел Казанцев сайланды.
Оқи отырыңыз: Одақ төрағасы ауыл мәселесімен айналысатын арнайы комитет құруды ұсынды