НҰР-СҰЛТАН, 10 қаңтар – Sputnik. Қазақстанның Жапония мен Корея Республикасындағы елшіліктеріндегі сайлау учаскелері бірінші болып жұмысын бастады, деп хабарлады сыртқы істер министрлігі.
Токиодағы №261 және Сеулдегі №258 сайлау учаскелері жергілікті уақытпен сағат 07:00-де ашылды.
Бұл елдердегі қазақстандықтар өз сайлау құқығын бірінші болып пайдалануға мүмкіндік алды.
Парламент сайлауында алғаш болып Оңтүстік Кореядағы Корё университетінің студенті Аделина Алпамыс дауыс берді.
Оқи отырыңыз: Қазақстанның басым бөлігінде сайлау учаскелері ашылды
Еске сала кетейік, Қазақстанда 10 қаңтарда мәжіліс сайлауы өтіп жатыр. Сайлау учаскелері жергілікті уақыт бойынша таңғы 7-ден 20-ға дейін ашық болады. Бес өңірде – Батыс Қазақстан, Ақтөбе, Атырау, Маңғыстау және Қызылорда облыстарында дауыс беру елдің басқа аймақтарына қарағанда бір сағат кеш басталып, аяқталады.
Мәжіліс сайлауымен бір уақытта елде барлық деңгейдегі мәслихаттар сайлауы өтеді.