АСТАНА, 28 қыркүйек – Sputnik. Стамбұл қаласындағы Ататүрік әуежайында Қазақстан азаматы өз-өзіне қол салды, деп хабарлайды Gokyuzu Haberci.
Басылымның ақпаратынша, суицид жасаған 37 жастағы ер адам Қазақстан азаматы.
"Ол бірден ауруханаға жеткізілді, алайда ауруханаға барар жолда оның жүрегі тоқтап қалды", — делінген сайтта.
Басылым хабарлағандай, қаза тапқан ер адам мас болған.
Қазақстанның сыртқы істер министрлігі істің мән-жайын анықтап жатыр.
"Қазір оқиғаның анық-қанығын анықтап жатырмыз. Қосымша ақпаратты кейінірек хабарлаймыз", — деді СІМ баспасөз қызметінің жетекшісі Айбек Смадияров.
Бұған дейін Түркия әуежайында суицид жасаған адам Қырғызстан азаматы екені хабарланған еді.