АСТАНА, 28 мамыр — Sputnik. Ұлыбританиялық "Лестер" футбол клубының нигериялық шабуылшысы Ахмед Муса Кано қаласындағы түрмеде жазасын өтеп жатқан 40 нигериялықты босатты, деп хабарлады prosports.kz сайты.
Футболшыға кей адамдардың қарызын өтей алмағандықтан түрмеге қамалғаны жайлы хабар жеткен. Соның нәтижесінде ойыншы сотталушылардың қарызын өтеп, кәмелет жасына толмаған төрт баланың айыппұлын төлеп берген.
БАҚ өкілдерінің мәліметінше, Муса Нигерияда бұрыннан қайырымдылықпен айналысады екен. Көбіне ол елдің әр қаласында тұрмысы нашар отбасыларға азық-түлік пен қаражат тарататын.