АСТАНА, 29 сәуір – Sputnik. Батыс Қазақстан облысында қатты жел бірнеше әлеуметтік нысанның шатырын жұлып алды, сондай-ақ өңір тұрғындары жарақат алып, ауруханаға жеткізілген, деп хабарлады ҚР ІІМ ТЖ комитетінің баспасөз қызметі.
Ведомствоның мәліметінше, 28 сәуір күні дүлей желдің (секундтына 21 метрге дейін) салдарынан облыс орталығындағы 14 нысанның шатыры жұлынып кеткен.
Айталық, облыс орталығында № 43 және 45 мектептердің, жол-көлік колледжінің, "Әмина" тойханасының, облыстық балалар ауруханасының, "Жайықжылуэнерго" АҚ жылу пунктінің шатырын жел ұшырып әкеткен.
Оралда қатты желдің салдарынан сондай-ақ 2008 және 1981 жылы туған екі қала тұрғыны жарақат алып, ауруханаға жеткізілді, олар тексерістен соң үйлеріне жіберілді.