АСТАНА, 2 сәуір — Sputnik. Аман Төлеевке "Халық губернаторы" құрметті атағын беру туралы заң күшін жойған жоқ. Бұл туралы Ресей президентінің Сібір федералдық округі бойынша өкілетті өкілі Сергей Меняйло хабарлады, деп жазады РИА Новости.
Заңға сәйкес, Кемерово облысының бұрынғы басшысы резиденциясы мен қызметтік үй-жайын, көмекшісі мен ай сайынғы төлемақысын сақтап қалады.
"Заң қабылданды, ол бүгінде күшін жойған жоқ", — деп мәлім етті Меняйло журналистердің сұрағына жауап бере отырып.
Жексенбі Кемерово облысының губернаторы Аман Төллев 64 адам қаза тапқан "Зимняя вишня" сауда орталығында шыққан өрттен кейін отставкаға кетті. Ол өңір тұрғындарына арнаған бейнеүндеуінде бұл шешімнің саналы түрде жасалғанын және ең дұрысы екенін мәлім етті.
Аман Төлеевке "Халық губернаторы" құрметті атағын беру туралы заң 2011 жылы желтоқсанда қабылданған. Құжатқа сәйкес оған 50 мың рубль көлеміндегі ай сайынғы төлемақы тағайындалды, бұл сома жыл сайын инфляция деңгейіне байланысты индекстеледі.
Бұдан бөлек, бұрынғы губернаторға қоғамдық қызметін іске асыру үшін көмекші мен қызметтік орын беріледі.