АСТАНА, 6 наурыз — Sputnik. Ақтау гарнизоны әскери сотында жолдас сарбазды орындықпен басынан ұрған әскери қызметкерге үкім шығарылды.
Істің материалдары бойынша, былтыр қараша айында қатардағы сарбаз А. кешкі тексеруге дайындалып жатады, ол өз төсегінің қасында тұрған, онымен бірге әскери борышын өтеп жүрген екінші сарбаз қасынан өте беріп ағаш орындықпен басынан бір салады. Содан кейін жұдырығымен басынан бірнеше рет соққы жасаған.
Соққыға жығылған сарбаз Маңғыстау облыстық ауруханаға жеткізіліп, желтоқсанда ғана есін жинапты. Оқиға бұдан бұрын сарбаздар арасында болған кикілжіңнен болған көрінеді.
Ақтау гарнизоны әскери соты үкімімен Ж. айыпты деп танылып, 4 жылға шартты түрде бас бостандығынан айырылды.