АСТАНА, 31 қаңтар — Sputnik. Жамбыл облысында әскери бөлімшеден қашып кеткен сарбаз он күннен соң Алматыда табылды, деп хабарлайды қорғаныс министрлігінің баспасөз қызметі.
Бұдан бұрын ведомство мәлімдегендей, қатардағы сарбаз Бозбанов 21 қаңтарда өз бетімен әскери бөлімшеден кетіп қалған.
"Алматыда 30 қаңтарда іздеу шаралары барысында Қарулы күштердің әскери полициясы әскери борышын өтеп жүрген қатардағы сарбаз Бозбановты тапты", — делінген хабарламада.
Ашық дереккөздердегі мәліметке сүйенсек, әскери бөлімше Жамбыл облысында орналасқан, "Оңтүстік" аймақтық командованиесіне жатады.