Қазақ күресін Азия ойындарының бағдарламасына енгізу ұсынылды – спорт министрі

© Sputnik / Абзал КалиевҚазақ күрес
Қазақ күрес - Sputnik Қазақстан, 1920, 19.11.2026
Жазылу
Қазақ күресі мен тоғызқұмалақтан әлемнің 50-ден астам елінде федерациялар құрылған
АСТАНА, 19 қараша – Sputnik. Қазақ күресін Азия ойындарының бағдарламасына енгізуге өтініш берілді. Бұл туралы туризм және спорт министрі Ербол Мырзабосынов мәлімдеді, деп хабарлайды Sputnik Қазақстан.
Қазақстанда 11 ұлттық спорт түрі бар. Қазақ күресі мен тоғызқұмалақтан әлемнің 50-ден астам елінде федерациялар құрылған.
"Жуырда Қазақстанға Азия Олимпиада кеңесінің бас хатшысы келеді. Біз қазақ күресін жабық ғимараттағы Азия ойындарының бағдарламасына енгізу жөнінде өтініш бердік. Тоғызқұмалақ спорты да елімізде және халықаралық деңгейде қарқынды дамып келеді. Бұл спорт түрінен әлем және Азия чемпионаттары тұрақты түрде өткізіліп жүр. Алдағы уақытта тоғызқұмалақты да халықаралық кешенді спорт жарыстарының бағдарламасына енгізуге күш саламыз", – деді министр орталық коммуникациялар қызметіндегі брифингте
Мырзабосынов Азия ойындарының жеңімпаздарына берілетін сыйақы 50 мың долларға дейін өскенін де айтты.
"Биыл федерациялар мен Спортты қолдау қоры арқылы бюджеттен тыс қаражат есебінен Азия ойындарының чемпиондарына берілетін сыйақыны 50 мың долларға дейін арттырдық. Ал өзге жүлдегерлерге тиесілі төлемдер мемлекеттік органдармен келісу жұмыстары және халықаралық федерациялармен байланысты қажетті рәсімдер аяқталғаннан кейін беріледі", – деді ол.
Боксшы Төрехан Сабырхан Азия ойындарының чемпионы атанды - Sputnik Қазақстан, 1920, 04.10.2026
Азиада-2026: Қазақстан жалпыкомандалық есепте 8-орынға тұрақтады
Жаңалықтар
0